د بامیانو مرکز کې د ۴۰ ورزشکارانو ترمنځ د سيمه ييزې غېږنيونې سيالۍ ترسره شوې
د بامیانو ولایت د بدني روزنې او ورزش امريت په همکارۍ او د ملي او دوديزو لوبو مديريت له لوري د ياد ولايت په مرکز کې د ۴۰ ورزشکارانو ترمنځ د سيمه ييزې غېږنيونې سيالۍ ترسره شوې.
د دغو سياليو په پايله کې جواد لومړی، سمير دويم او خبيب درېيم مقام خپل کړ.
د يادو سياليو موخه دوديزو لوبو ته وده ورکول او د ځوانانو ترمنځ يووالی رامنځته کول و، چې يوه ورځ يې دوام وکړ.
