د بادغيس ولایت په مرکز قلعهی نو ښار کې د اتو لوبډلو ترمنځ د فوټبال الف لیګ پیل شو
د بادغیس د سپورت امریت او د دغه ولایت د فوټبال فدراسیون له لوري د اتو لوبډلو ترمنځ د فوټبال غوره لیګ سیالۍ د مرکز قلعهی نو ښار په لوبغالي پیل شوې.
د لیګ د پیل په مراسمو کې د بادغیس ولایت د سپورټ مسوولینو، د افغانستان د ملي راډیو ټلویزیون مسوولینو، د افغانستان د فوټبال فدراسیون او بادغیس د فوټبال فدراسیون مسوولینو، د دغه ولایت د اطلاعاتو او فرهنګ ریاست مسوولینو، روزونکو، د غږیزو او انځوریزو رسنیو استازو، ځوانانو، ورزشکارانو او ګڼ شمېر مینه والو ګډون کړی و.
د لیګ د پیل په لومړۍ لوبه کې د پامیر لوبډلې ۲-۰ ګولونو په توپیر السادات لوبډلې ته ماتې ورکړه.
په دې سیالیو کې به (پامیر، السادات، اتحاد ب، خورشید، کوهسار، اتحاد ده برنج او شاهین) لوبډلې د یو بل په وړاندې د تګ او راتګ په توګه سیالۍ وکړي.
د دغه لیګ د ترسره کولو موخه د ځوانانو ترمنځ د فوټبال وده او همدارنګه د بادغیس ولایت لپاره په بیلابېلو عمري ډلبندیو کې منتخبو لوبډلو لپاره د غوره لوبغاړو په ګوته کول دي.
