د المپیک ملي کمېټې او سپورټ عمومي رئیس مولوي احمد الله وثیق د تاتارستان د سپورټ وزارت له مرستیال وزیر خلیل سره ولیدل
د هیواد د ورزش ادارې عمومي رئیس مولوي احمد الله وثیق د تاتارستان هیواد په پلازمېنه کازان کې د یاد هیواد د سپورټ وزارت له مرستیال وزیر خلیل او د تاتارستان هیواد د المپیک کمېټې له مشر منصور مراد سره ولیدل.
په دې لیدنه د دواړو اړخونو له لوري د ورزش په پرمختګ او ورزشي همکاریو خبرې اترې وشوې.
په دې لیدنه کې د تاتارستان جمهوريت د سپورت وزارت مسولينو ژمنه وکړه، چې د افغانستان د ورزشکارانو د ښې ودې او د مربیانو د روزنې په برخه کې به لازمه همکاري وکړي.
همدا راز په دې لیدنه کې دوی زیاته کړه، چې موږ اماده يوو، د افغانستان د ورزش په برخه کې روزونکو ته معياري روزنه ورکړو او د سپورټ د برخې افغان محصلینو ته د کازان په ورزشي پوهنتونونو کې د زده کړو زمینه مساعده کړو.
