د المپيک بدني روزنې او ورزش عمومي رييس او ورسره پلاوي د تخار ولايت له والي سره وکتل
د المپيک بدني روزنې او ورزش عمومي رييس مولوي احمدالله وثيق او ورسره پلاوي شمالي ولايتونو ته د خپل سفر په دوام، د تخار ولايت له والي الحاج مولوي سميع الله حزب الله سره د هغه په کاري دفتر کې وکتل.
په دغه ناسته کې د دواړو لورو ترمنځ د ورزش د لا ښې ودې، د ځوانانو د سالمې روزنې، د ورزشي اماکنو د ښه خونديتوب، د ياد ولايت له ورزشي ادارې سره د تل په څېر د لا ښې همغږۍ او همکارۍ په موخه خبرې وشوې.
د دغه ناستې په پای کې د ياد ولايت والي الحاج مولوي سميع الله حزب الله د المپيک بدني روزنې او ورزش عمومي رييس مولوي احمدالله وثيق سره ژمنه وکړه، چې د دغه ولايت مقام به د تل په څېر له ورزش ادارې سره همکار وي او خپله همکاري به جاري ساتي.
