د افغانستان کېک بوکسېنګ ملي فدراسیون، د کېک بوکسېنګ نړۍوال فدراسیون غړیتوب ترلاسه کړ
د کېک بوکسېنګ نړۍوال فدراسیون له لوري د افغانستان کېک بوکسېنګ ملي فدراسیون په رسمیت وپېژندل شو او ښاغلی محمد شیر هاشمي د کېک بوکسېنګ ملي فدراسیون رئیس وټاکل شو.
د یادونې وړ ده، چې تېرې څه باندې دوې لسیزې د افغانستان کېک بوکسېنګ ملي فدراسیون په نړۍواله کچه عضویت نه درلوده او وخت نا وخت به د دغې رشتې ورزشکاران د مناسبو امکاناتو او بودیجې نشتون له امله به له بهرنیو سفرونو څخه محرومېدل.
