د افغانستان کرکټ ملي لوبډله نن له پاکستان سره دویمه شل اوریزه لوبه کوي
د افغانستان ـ پاکستان د درې شل اوریزو لوبو سریز په لړ کې نن یکشنبه د مارچ پر ۲۶ د افغانستان په وخت ۸:۳۰ بجې د اماراتو په شارجه کرکټ لوبغالي کې دویمه لوبه ترسره کیږي.
د یاد سریز لومړنۍ لوبه د جمعې پر ماښام وشوه، چې افغانستان په شپږ ویکټو په اتلسم اور کې وګټله. د دې سریز وروستۍ لوبه سبا ترسره کیږي.
بلخوا د افغانستان کرکټ بورډ په یوه خبر کې ویلي، چې د یاد سریز غوره لوبغاړو ته به په ډالۍ کې له لاجوردو جوړ د کرکټ کپ هم ډالۍ کيږي، چې د افغانستان د فرهنګ، مېړانې او تاریخي سرمایې نماینده ګي کوي.
