د افغانستان کرکټ بورډ ادارې د فوټسال دوه ملي لوبغاړي وستایل
د افغانستان کرکټ ادارې رهبري د فوټسال ملي لوبډلې دوه لوبغاړي فرزاد محمودي او امید قنبري چې د ۲۰۲۴ نړۍوال جام ته له لارموندنې وروسته کابل ته راغلي، تقدیر او وستایل.
په دغو مراسمو کې د بدني روزنې او ورزش فني او مسلکي مرستیال حافظ احمد جان ځدراڼ، د کرکټ بورډ اجرائیوي رئیس نصیب خان ځدران، د یو ورځنیو او ټېسټ لوبو لوبډلمشر حشمت الله شهیدي او د شل اوریزو لوبو مرستیال لوبډلمشر ابراهیم ځدراڼ ګډون کړی و.
د یادونې وړ ده، چې د هېواد د کرکټ بورډ ادارې په دغو مراسمو کې د ورزش ادارې فني او مسلکي مرستیال هم وستایه. ښاغلي ځدراڼ په دغو مراسمو کې د کرکټ بورډ ادارې له رهبري مننه وکړه او وې ویل چې د بدني روزنې او ورزش ریاست تل له افغان ورزش کارانو سره مرسته کړې او د دوی ملاتړ کوي.
