د افغانستان کام اير واليبال ملي لوبډله له بريالي سفر وروسته بېرته خپل هيواد ته راستنه شوه
د افغانستان کام اير واليبال ملي لوبډله د اسيا کلبونو د اتلولۍ په سياليو کې له ګډون وروسته له څوارلسم مقام سره بېرته خپل هيواد ته راستنه شوه.
د اسیایي کلبونو د اتلولۍ په دغو سیالیو کې له ۱۶ هیوادونو څخه ۱۶ لوبډلو ګډون کړی وو، چې افغانستان په دوو ګروپونو کې اووه سیالۍ ترسره کړې، شپږ سیالۍ یې بایلولې هانګ کانګ او یمن دواړو هیوادونو ته یې د ۳-۰ میدانونو په توپیر ماتې ورکړې، چې په پایله کې د اسیا په کچه د والیبال په درجه بندۍ کې یې له ۷۲ مقام څخه ۱۴ مقام خپل کړ.
بايد يادونه وشي چې افغان لوبغاړو ته د المپيک ملي کمېټې او سپورټ عمومي رياست د رهبرۍ له لوري ښه راغلاست وويل شو، کړنې يې وستايل شوې او په راتلونکي کې ورسره د لا نورو همکاريو ژمنه وشوه.
