د افغانستان د پارا پاورلفتنګ دوه ورزشکاران په نړیوالو سیالیو کې له ګډون وروسته بېرته هیواد ته راستانه شول
د بدني روزنې او ورزش عمومي ریاست اړوند د پارا پاور لفتنګ فدراسیون دوه ورزشکاران په نړیوالو سیالیو کې، چې د دوبۍ هیواد په الهبطور ښار کې د " Dubai 2023 para powerlifting championship " تر سرلیک لاندې ترسره شوې، تر لوبېدو وروسته بېرته هیواد ته راستانه شول.
په دغو سیالیو کې د ۸۱ هیوادونو ورزشکارانو ګډون کړی و، چې په پایله کې افغان ورزشکار محمد فهیم رحیمي په ۸۰ کیلو ګرام وزن کې شپږم مقام ترلاسه کړ.
هېره دې نه وي، چې په دغو سیالیو کې له افغانستان څخه دوو ورزشکارانو محمد فهیم رحیمي، سید حسین اغا صداقت او دوو روزونکو ګډون کړی و.
