د افغانستان د وزلوبو ملي سیالۍ بل پړاو ته لاړې
د وزلوبې ملي سیالیو کې تېره ورځ هم دوه لوبو وشوې، چې په لومړۍ لوبه کې پنجشېر لوبډلې بامیان ته څلور د یو په وړاندې ماتې ورکړه.
په دویمه لوبه کې بلخ لوبډله وتوانېده، چې څلور پر صفر نورستان لوبډلې ته ماتې ورکړي.
په دې سره د افغانستان د وزلوبې ملي سیالیو پیل شوی درېیم پړاو بل پړاو ته ننوت او دغه پړاو ته اتو لوبډلو لار ومونده. په دغو اتو لوبډلو کې بلخ، کندهار، بدخشان، کندز، سرپل، بغلان، تخار او پنجشېر ولایتونو لوبډلې شاملې دي.
یاده دې وي، چې ټاکل شوې وه تېره ورځ د فاریاب او کندز لوبډلو تر منځ هم لوبه وشي، خو د فاریاب لوبډلې د نه شتون له امله یاده لوبه و نه شوه.
