د افغانستان د موی تای لوبغاړو د ځوانانو له نړيوالو اتلويو څخه د سروزرو، سپينو زرو او برونزو درې مډالونه وګټل.
د افغانستان د موی تای لوبغاړو د ځوانانو له نړيوالو اتلويو څخه د سروزرو، سپينو زرو او برونزو درې مډالونه وګټل. امين الله کريمي چې په ۵۴ کيلو وزن کې يې خپل درې سيالان چې د الجيريا، برتانيا او فرانسې څخه وو مات کړل او د برونزو مډال وګټه، د هغه د مخکې تګ مخه بلجيمي لوبغاړي ډب کړه. همدارنګه نوموړي د (موی تاله) په فارمټ کې د لهستان او پيرو لوبغاړي مات کړل او د سروزرو مډال يې وګټه. فرهاد حسيني بيا په ۵۷ کيلو وزن کې د مغولستان او کلمپیا لوبغاړي مات کړل او له روسي سيال څخه يې ماتې ته غاړه کېښوده. هغه بيا د (موی تاله) په فارمټ کې اسرايلی او سريلنکا ته ماته ورکړه او له فيلپيني هغه نه مات شو چې د سپينو زرو مډال يې وګټه. د ويلو ده چې د موی تای د ځوانانو اتلولي د سېپتمبر له اته ۲۸ پېل او د اکتوبر په ۶مه پای ته ورسېدې. لوبو کې ۵۷ هېوادونو برخه درلوده چې د ترکيې په انتاليا کې ترسره شوې. د افغانستان يو روزونکی، يو لوبڅار او دوه لوبغاړو په دې لوبو کې ګډون کړی و.
