د افغانستان د شل کلنو فوټبال ملي لوبډلې دویمه لوبه له تاجکستان سره مساوي پای ته ورسېده
د افغانستان د ځوانانو شل کلنو فوټبال ملي لوبډلې د مرکزي اسیا سیالو په لړ کې خپله دویمه لوبه نن مازیګر په “TALCO ARENA" لوبغالي کې له تاجکستان هیواد سره ترسره کړه، چې د یو- یو ګول په کولو سره مساوي پای ته ورسېده.
د دې سیالي په لومړۍ نیمايي کې تاجکستان وتوانېده یو ګول ترسره کړي، په دویمه نمایي کې د افغانستان له خوا همایون امین وکولی شول، چې په ۴۸ یمه دقیقه کې ګول ترسره کړي. په پایله کې یو ټیم هم ونه توانېده، چې دویم ګول ترسره کړي او یاده لوبه مساوي پای ته ورسېده.
افغانستان د دې لوبې په ترسره کولو سره، له ازبکستان څخه وروسته د ۴ امتیازونو په لرلو سره په دویم ردیف کې قرار لري.
افغانستان به خپله درېیمه سیالي چهارشنبه د غبرګولي پر درېیمه د افغانستان په وخت ۴:۳۰ بجې په "زسکا" لوبغالي کې ترسره کړي.
