د افغانستان د زونونو د فوټبال اتلانو سیالۍ د هېواد د ورزش ادارې د رهبري مولوي احمد الله وثیق په شتون کې پيل شوې
د افغانستان د زونونو د فوټبال اتلانو سیالۍ د المپیک کمېټې، بدني روزنې او روزش عمومي ریئس مولوي احمد الله وثیق، د یاد ریاست فني او مسلکي مرستیال حافظ احمد جان ځدراڼ، د المپيکي چارو ریئس داد محمد پاینده اختري، د فني او مسلکي ریاست سرپرست حمید الله صافي، د هرات ولایت ورزشي مسوولینو او د فوټبال فدراسیون د استازو په شتون کې پيل شوې.
په دغو سیالیو کې د هرات صرافانو، د کابل جوانان پيروزي، ننګرهار جلال اباد کلب، هرات هارون پوپل او د یاران نور لوبډلو ګډون کړی دی.
د دغو سیالیو لومړۍ لوبه د هرات صرافانو او د کابل جوانان پيروزي لوبډلو ترمنځ ۰/۰ مساوي پای ته ورسېده.
د یادو سیالیو موخه د افغانستان اتلان څلورم پړاو لیګ ته د لومړي او دویم مقام لوبډلو لاره پيدا کول دي.
