دایکندي کې د ۱۰ لوبډلوترمنځ د فوټسال سیالۍ د طوفان دشت لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز نیلي کې له شل کلنو کم عمره جام په نوم د ۱۰ لوبډلو ترمنځ د فوټسال سیالۍ د طوفان دشت لوبډلې په اتلولۍ پای ته ورسېدې.
د دغو سیالیو په پایلوبه کې طوفان دشت لوبډلې خپلې سیالې صفري اکاډمي لوبډلې ته د ۵/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټسال لوبو ته وده ورکول او د لوبغاړو ترمنځ یووالی رامنځته کول و؛ د سیالیو په پای کې غوره لوبغاړو ته چمتو شوې ډالۍ ورکړل شوې.
