دایکندي؛ ګیټي ولسوالۍ کې د ۱۲ لوبډلو ترمنځ د والیبال سیالۍ پیل شوې
د دایکندي ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د ګیتي ولسوالۍ د کیسو بازار په ورزشي لوبغالي کې د ۱۲ لوبډلو ترمنځ د ورورولۍ جام په نوم د والیبال سیالۍ پیل شوې.
د دغو سیالیو په لومړۍ لوبه کې د اتحاد دښتې لوبډلې خپلې سیالې د غوله ځوانانو لوبډلې ته د ۳/۲ میدانونو په توپیر ماتې ورکړه او لومړۍ بریا یې خپله کړه.
د یادو سیالیو موخه د والیبال ورزش ته وده ورکول او د ځوانانو ترمنځ یووالی رامنځته کول دي، چې دوې اوونۍ به دوام وکړي.
