دایکندي؛ کجران ولسوالۍ کې د ۲۵ ورزشکارانو ترمنځ د تېږې اچونې سیالۍ وشوې
د دایکندي ولایت د بدني روزنې او ورزش امریت اړوند د ملي او سیمه ییزو لوبو مدیریت له لوري د یاد ولایت د کجران ولسوالۍ په زرد ګلان ورزشي لوبغالي کې د ۲۵ ورزشکارانو ترمنځ د تېږې اچونې سیالۍ وشوې.
دغه سیالۍ د ځوانانو ورزشکارانو په عمري کټګوریو کې ترسره شوې، چې په پایله کې عزیزالله لومړی، بشیر دویم او نصرالله بیا درېیم مقام خپل کړ.
د یادو سیالیو موخه سیمه ییزو او دودیزو لوبو ته وده ورکول، ورزش ته د ځوانانو هڅول او سالمه تفرېح برابرول و، چې یوه ورځ یې دوام وکړ.
