دایکندي؛ په شهرستان ولسوالۍ کې د نښې ویشتنې سیالۍ پای ته ورسېدې
د دایکندي په شهرستان ولسوالۍ کې د نښې ویشتلو سیالۍ، چې د اړوند فدراسیون په استازولۍ او د یاد ولایت د بدني روزنې او ورزش آمریت د ملي او دودیزو ورزشونو د مدیریت له لوري پیل شوې وې، تېره ورځ د چبراسک لوبډلې په بریا پای ته ورسېدې.
د نښې ویشتنې په دې سیالیو کې اتو لوبډلو: " اتحاد چبراسک، غاف، باغ علیا، باغ سفلا، اتحاد زردني، کته سنګ، خواجه چاشت او سراود) ګډون درلود، چې په یاده ورزشي برخه کې د ځوانانو د ودې او هڅونې په موخه پیل شوې وې.
د سیالیو پایلوبې ته اتحاد چبراسک او امېد زردني لوبډلې ووتلې، چې په ۰-۲ سره اتحاد چبراسک لوبډله د یادو لوبو ګټونکې شوه.
د یادونې ده، چې د لوبې په پای کې ګټونکو لوبډلو او غوره لوبغاړو ته ټاکل شوې جایزې هم ورکړل شوې.
