دایکندي؛ پاتو ولسوالۍ کې د ۳۰ ورزشکارانو ترمنځ د ځغاستې سيالۍ ترسره شوې
د دايکندي ولايت د بدني روزنې او ورزش امريت اړوند د ځغاستې ملي فدراسيون د استازولۍ له لوري د ياد ولايت د پاتو ولسوالۍ په تمزان سيمه کې د ۳۰ ورزشکارانو ترمنځ د ځغاستې سيالۍ ترسره شوې.
په دغو سياليو کې ورزشکارانو ۴۰۰ متري واټن طی کړ، چې په پايله کې ميرويس لومړی، محمد دويم او قاسيم درېيم مقام ترلاسه کړ.
د يادو سياليو موخه دوديزو لوبو ته وده ورکول او د هېواد د خپلواکۍ د ۱۰۵ کلېزې نمانځل و.
د سياليو په پای کې د دایکندي ولایت ورزشي امريت له لوري غوره لوبغاړو ته ورزشي ډالۍ ورکړل شوې.
