دایکندي؛ میرامور ولسوالۍ کې د لسو لوبډلو ترمنځ د والیبال سیالۍ د عقابان نالیج لوبډلې په اتلولۍ پای ته ورسېدې.
د دایکندي ولایت د بدني روزنې او ورزش امریت له لوري د میرامور ولسوالۍ له بېلا بېلو کلیو د لسو لوبډلو ترمنځ د رمضان جام په نوم د والیبال سیالۍ، چې دوې اوونۍ وړاندې پیل شوې وې د عقابان نالیج لوبډلې په اتلولۍ پای ته ورسېدې.
د دغو سیالیو پایلوبه کې د عقابان نالیج لوبډلې خپلې سیالې شاه جوي سیتي لوبډلې ته د ۳/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه په میرامور ولسوالۍ کې والیبال ورزش ته وده ورکول، د نشه یي توکو په وړاندې مبارزه او ورزش ته د ځوانانو هڅوول وو.
