دایکندي؛ مرکز نیلي کې د ۱۶ لوبډلو ترمنځ د شل کلنو کم عمره د فوټسال سیالۍ پای ته ورسېدې
د دایکندي ولایت د بدني روزنې او ورزش امریت په مرسته او د نیلي ښاروالۍ جمنازیوم له لوري د یاد ولایت مرکز نیلي کې د ۱۶ لوبډلو ترمنځ د شل کلنو کم عمره د فوټسال سیالۍ د میوند لوبډلې په اتلولۍ پای ته ورسېدې.
د دغو سیالیو په پایلوبه کې د میوند لوبډلې خپلې سیالې مرکز طوفان لوبډلې ته د ۶/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال سیالۍ دودول او وده ورکول و.
د سیالیو په پای کې د دایکندي ولایت ورزشي امریت له لوري غوره لوبډلې ته چمتو شوې ډالۍ ورکړل شوې.
