دایکندي؛ مرکز نیلي کې د ۱۴ لوبډلو ترمنځ د فوټبال لومړی پړاو لیګ پای ته ورسېده
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت مرکز نیلي کې د ۱۴ لوبډلو ترمنځ د فوټبال لومړی پړاو لیګ د طلوع میرامور لوبډلې په اتلولۍ پای ته ورسېده.
د دغو سیالیو په پایلوبه کې د طلوع میرامور لوبډلې خپلې سیالې برګ برګر لوبډلې ته د ۱/۰ ګول په توپیر ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول او د فوټبال ورزش ته د ځوانانو هڅوول و.
د سیالیو په پای کې د دایکندي ولایت ورزشي امریت له لوري غوره لوبډلې ته چمتو شوې ډالۍ ورکړل شوې.
