دایکندي؛ مرکز نیلي ښار کې د ۱۰ لوبډلو ترمنځ د فوټسال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز نیلي ښار کې د یاد ولایت د پوهنتون محصلینو او اداري کار کوونکو د ۱۰ لوبډلو ترمنځ د فوټسال سیالۍ پای ته ورسېدې.
د دغو سیالیو په پایلوبه کې اداري کارمندانو لوبډلې خپلې سیالې د بیولوژي پوهنځي اتحاد لوبډلې ته د ۳/۱ ګولونو په توپیر ماتې ورکړه او اتلولي يې خپله کړه.
د یادو سیالیو موخه د محصلینو ترمنځ یووالی رامنځته کول او د فوټسال لوبو ته وده ورکول و، چې درې اوونۍ یې دوام وکړ.
د سیالیو په پای کې د دایکندي ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
