دایکندي؛ مرکز نیلي ښار کې د فوټبال سیالۍ د طوفان لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز نیلي ښار کې د شپږو لوبډلو ترمنځ د فوټبال سیالۍ پای ته ورسېدې.
د دغوسیالیو په پایلوبه کې طوفان لوبډلې خپلې سیالې ایکسبول لوبډلې ته د ۲/۱ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټبال ورزش ته وده ورکول او د خلکو ترمنځ یووالی رامنځته کول و، چې دوې اونۍ یې دوام وکړ.
د سیالیو په پای کې غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
