دایکندي؛ مرکز نيلي کې د ۱۱ لوبډلو ترمنځ د فوټبال سيالۍ پيل شوې
د دايکندي ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز نيلي کې د يووالي، ژمي جام په نوم د ۱۱ لوبډلو ترمنځ د فوټبال سيالۍ پيل شوې.
د دغو سياليو په لومړۍ لوبه کې جرفه ب منتخبې لوبډلې خپلې سیالې جرفه منتخبې لوبډلې ته د ۴/۳ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه په دايکندي ولايت کې د فوټبال ورزش ته وده ورکول دي، چې دوې اوونۍ به دوام وکړي.
