دایکندي؛ شهرستان ولسوالۍ کې د ۱۲ لوبډلو ترمنځ د والیبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د والیبال فدراسیون د استازولۍ له لوري او د اسکان زراعتي او مالدارۍ شرکت په مالي ملاتړ د شهرستان ولسوالۍ په چپراسک بازار کې د ۱۲ لوبډلو ترمنځ د والیبال سیالۍ ترسره شوې.
د دغو سیالیو پایلوبه کې د اتحاد چپراسک لوبډلې خپلې سیالې عقابان شاه مشهد لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه د غوره لوبغاړو موندل و.
د سیالیو په پای کې د ورزش مسوولانو له لوري غوره لوبډلې ته د اتلولۍ جام او غوره لوبغاړو ته چمتو شوې جایزې ورکړل شوې.
