دایکندي؛ شهرستان ولسوالۍ کې د ۱۱ لوبډلو ترمنځ د والیبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په شهرستان ولسوالۍ کې د یووالي په نوم د ۱۱ لوبډلو ترمنځ د والیبال سیالۍ، چې درې اوونۍ مخکې پيل شوې وې د اتحاد چبراسګ لوبډلې په اتلولۍ پای ته ورسېدې.
د دغو سیالیو په پایلوبه کې د اتحاد چبراسګ لوبډلې خپلې سیالې د ش.ه. ید مزاري کورس لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه په شهرستان ولسوالۍ کې د والیبال ورزش ته وده ورکول او د والیبال ورزش دودول و.
د سیالیو په پای کې غوره لوبډلې ته چمتو شوې ډالۍ ورکړل شوې.
