دایکندي؛ د ۱۲ لوبدلو ترمنځ د فوټبال سیالۍ د میرهزار ځوانانو لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت له لوري په یاد ولایت کې د ۱۲ لوبډلو ترمنځ د یووالي جام په نوم د فوټبال سیالۍ، چې ۱۵ ورځې وړاندې پیل شوې وې د میر هزار ځوانانو لوبډلې په اتلولۍ پای ته ورسېدې.
د دغو سیالیو پایلوبه د میرهزار ځوانانو او کهکشان لوبډلو ترمنځ ترسره شوه، چې په پایله کې د میرهزار لوبډلې خپلې سیالې لوبډلې ته د ۲/۰ ګولونو په توپیر ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی، ورزش ته د ځوانانو هڅوول او د نشه یي توکو څخه د ځوانانو لرې والی و.
