دایکندي؛ د شهرستان ولسوالۍ د فوټبال خزاني جام سياليو اتلولي د ستارګان القان لوبډلې وګټله
د دایکندي ولایت په شهرستان ولسوالۍ کې د ۱۶ لوبډلو ترمنځ د فوټبال د خزاني جام سیالۍ چې دوې اوونۍ وړاندې په القان بازار کې پیل شوې وې، د ستارګان القان لوبډلې په اتلولۍ پای ته ورسیدې.
د دې سیالیو په پای لوبه کې د ستارګان القان او بهار ازادي لوبډلو له یو بل سره سیالي وکړه، چې په پایله کې د ستارګان القان لوبډلې د ۲-۳ ګولونو په توپیر سره سیالي وګټله او د بهار ازادي لوبډلې دویم مقام خپل کړ.
د دغو سیالیو موخه د ځوانانو هڅول، د فوټبال ورزش ته وده ورکول او د دایکندي ولایت د شهرستان ولسوالۍ د منتخبې لوبډلې لپاره د غوره څېرو په ګوته کول وو.
