دایکندي؛ خدیر ولسوالۍ کې د ۳۰ ورزشکارانو ترمنځ د ځغاستې سیالۍ ترسره شوې
د دایکندي ولایت د بدني روزنې او ورزش امریت اړوند د ملي او د سیمه ییزو لوبو مدیریت له لوري د یاد ولایت په خدیر ولسوالۍ کې د ۳۰ ورزشکارانو ترمنځ د ځغاستې سیالۍ ترسره شوې.
دغه سیالۍ د ځوانانو په عمري کټګورۍ کې ترسره شوې، چې په پایله کې عباس اکبري لومړی، میرویس حیدري دویم او نجیب موسوي درېیم مقام ترلاسه کړ.
د یادو سیالیو موخه سیمه ییزو او دودیزو لوبو ته وده ورکول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته ورزشي ډالۍ ورکړل شوې.
