دایکندي؛ خدیر ولسوالۍ کې د ۲۵ ورزشکارانو ترمنځ د ځغاستې سیالۍ ترسره شوې
د دایکندي ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري د یاد ولایت په خدیر ولسوالۍ کې د ۲۵ ورزشکارانو ترمنځ د ځغاستې سیالۍ ترسره شوې.
دغو سیالیو، چې یوه ورځ دوام وکړ، په پایله کې نبې باقر لومړی، مهدي حسني دویم او عاشور شریفي درېیم مقام ترلاسه کړ.
د یادو سیالیو موخه سیمه ییزو لوبو ته وده ورکول و.
د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې
