دایکندي؛ اشترلي ولسوالۍ کې د ۲۵ ورزشکارانو ترمنځ د تیږې اچولو سیالۍ ترسره شوې
د دایکندي ولایت د بدني روزنې او ورزش امریت له لوري د یاد ولایت په اشترلي ولسوالۍ کې د ۲۵ ورزشکارانو ترمنځ د تیږې اچولو سیالۍ ترسره شوې، چې یوه ورځ یې دو ام وکړ.
دغه سیالۍ د ځوانانو ورزشکارانو په عمري کټګورۍ کې ترسره شوې، چې په پایله کې اصغر رضایي لومړی، مختار رضایي دویم او محمد یوسفي بیا درېیم مقام خپل کړ.
د یادو سیالیو موخه په اشترلي ولسوالۍ کې سیمه ییزو او دودیزو لوبو ته وده ورکول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
