دایکندي؛ اشترلي ولسوالۍ کې د ۲۰ ورزشکارانو ترمنځ د لاس چپه کولو سیالۍ ترسره شوې
د دایکندي ولایت د بدني روزنې او ورزش امریت اړوند د سیمه ییزو او دودیزو لوبو مدیریت له لوري د یاد ولایت په اشترلي ولسوالۍ کې د مرکز او والسیوالیو د ۲۰ ورزشکارانو ترمنځ د لاس چپه کولو سیالۍ ترسره شوې.
د دغو سیالیو په پایله کې محسن رحیمي لومړی، نصرت محسني دویم او رحمت الله فاضل بیا درېیم مقام خپل کړ.
د یادو سیالیو موخه سیمه ییزو او دودیزو لوبو ته وده ورکول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
