دایکندي؛ اشترلي ولسوالۍ کې د شپږو لوبډلو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د اشترلي ولسوالۍ په نوجوک سیمه کې د شپږو لوبډلو ترمنځ د فوټبال سیالۍ پای ته ورسېدې.
د دغو سیالیو په پایلوبه کې د اتحاد خوال لوبډلې خپلې سیالې اټک انرژي لوبډلې ته د یو پر صفر ګول پر توپير ماتې ورکړه او اتلولي یې خپله کړه.
د یادو سیالیو موخه ټول شموله ورزش ته وده ورکول او د خپلواکۍ د ۱۰۵ مې کالیزي نمانځل و، چې یوه اوونۍ یې دوام وکړ.
د سیالیو په پای کې د دایکندي ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ډول ډول ورزشي ډالۍ ورکړل شوې.
