دایکندي؛ اشترلي ولسوالۍ کې د اتو لوبډلو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په اشترلي ولسوالۍ کې د اتو لوبډلو ترمنځ د فوټبال سیالۍ د لوګر یووالي لوبډلې په اتلولۍ پای ته روسېدې.
د دغو سیالیو په پایلوبه کې د لوګر اتحاد لوبډلې خپلې سیالې سیاده اتحاد لوبډلې ته د ۳/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول و، چې دوې ورځې یې دوام وکړ.
د سیالیو په پای کې د دایکندي ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
