خوست کې د ۴۰ ورزشکارانو ترمنځ د کراټې سيالۍ وشوې
د خوست ولايت د بدني روزنې او ورزش آمريت په همکارۍ د ياد ولايت په مرکز اماني لوبغالي کې له ۷ کلبونو ۴۰ ورزشکارانو ترمنځ په سوکيوکوشين او کيوکيشن کان سبکونو کې د کراټې ۲۱م پړاو سيالۍ وشوې.
د يادو سياليو په پايله کې شريف اتلانو کلب د ۱۰ مډالونو په خپلولو سره لومړی، سنگين کلب د ۸ مډالونو په ترلاسه کولو سره دويم او د داخيو کلب ورزشکارانو د ۲ مډالونو سره بیا درېيم مقام خپل کړ.
دا سيالۍ د ورزشکارانو د ظرفيت لوړولو په موخه ترسره شوې، چې په پای کې گټونکو ورزشکارانو ته مډالونه او د اتلولۍ حکمونه ورکړل شول.
