خوست کې د څلوېښت لوبډلو ترمنځ د فوټبال سیالۍ پای ته ورسېدې
د خوست ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز اړوند مرمنډۍ سیمه کې د څلوېښت لوبډلو ترمنځ د فوټبال سیالۍ د مهدیخېلو میچن بابا لوبډلې په اتلولي پای ته ورسېدې.
د دغو سیالیو پایلوبه د چینې سباوون او مهدیخېلو میچن بابا لوبډلو ترمنځ ترسره شوه، چې په ټاکلي وخت کې پرته له ګول وهلو صفر- صفر مساوي شوه، خو په پنالټیو کې مهدیخېلو میچن بابا لوبډلې د ۴/۲ ګولونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې دوې میاشتې یې دوام وکړ.
