خوست کې د ځنګلونو د ساتلو په نوم د رسۍ کش کولو سیالۍ ترسره شوې
د خوست ولایت د بدني روزنې او ورزش آمریت له لوري د تڼیو ولسوالۍ اړوند په دور ملکې ژۍ کلي کې د ځنګلونو د ساتلو په نوم د رسۍ کش کولو سیالۍ ترسره شوې.
په یادو سیالیو کې اتو لوبډلو برخه اخیستې وه، چې پایلوبه یې د شېر تڼي او نور نواز لوبډلو ترمنځ ترسره شوه، چې په پایله کې شېرتڼي لوبډلې د ۲/۱ نمرو په توپیر سیالې لوبډلې ته ماتې ورکړه او بریا یې خپله کړه.
د لوبې په پای کې غوره لوبغاړو او لوبډلو ته ځانګړې ډالۍ ورکړل شوې.
د یادو سیالیو موخه په خوست ولایت کې د ملي او عنعنوي لوبو بیا را ژوندي کول ښودل شوي دي.
