خوست کې د ځاځي قوم اتحاد په نوم د ټېپ بال کرکټ سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرکټ فدراسیون د نمایندګي له لوري د یاد ولایت د ځاځي میدان ولسوالۍ په سپین ډاګ سیمه کې د ځاځي قوم اتحاد په نوم د ۴۰ لوبډلو ترمنځ د ټېپ بال کرکټ سیالۍ پیل شوې.
د سیالیو د پیل په مراسمو کې د ځاځي میدان ولسوالۍ ورزشي مسؤول، نظامي او ملکي چارواکو، د سیمې مشرانو او ګڼو نندارچیانو برخه اخیستې وه.
د دغو سیالیو لومړۍ لوبه د سکندري ځوانانو او سټیوان سیال غونډۍ لوبډلو ترمنځ ترسره شوه، چې په پایله کې سیال غونډۍ لوبډلې د ۱۰ منډو په توپیر خپلې سیالې لوبډلې ته ماتې ورکړه.
ټاکل شوې چې دغه سیالۍ به یوه نیمه میاشت دوام وکړي او لوبې به یې په حذفي ډول ترسره کېږي.
