خوست کې د لسو لوبډلو ترمنځ د والیبال سیالۍ پیل شوې
د خوست ولایت د بدني روزنې او ورزش آمریت اړوند د والیبال فدراسیون له لوري او د HRCDO مؤسسې په مالي ملاتړ په مرکزي لوبغالی کې د لسو لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د تڼیو الف او مرکز فیضو لوبډلو ترمنځ ترسره شوه، چې په پایله کې یې د تڼیو الف لوبډلې د ٣٠/٢٥ نمرو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
ټاکل شوې چې دغه سيالۍ به لس ورځې دوام وکړي.
