خوست کې د جوجیتسو رشتې ټاکنیزي سیالۍ ترسره شوې
د خوست ولایت ورزشي امریت اړوند د جوجیتسو رشتې په چوکاټ کې د همدې رشتې د اتو کلبونو ترمنځ په تڼیو ولسوالۍ کې ټاکنیزې سیالۍ ترسره شوې.
په همدې تړاو جوړو شوو مراسمو کې د جوجیتسو رشتې مسؤول حکمت الله څپاند ترڅنګ ګڼو نورو ورزشي مسوولینو، مخورو، ورزشکارانو او د ورزش ګڼو مینوالو برخه اخیستې وه.
یادو سیالیو کې د اتو کلبونو څخه سلو لوبغاړو ګډون درلود چې د یو بل پر وړاندې یې سیالي وکړې.
پای په مراسمو کې بریالیو لوبغاړو ته د اتلولۍ کپونه، مډالونه او نورې ډالۍ ووېشل شوې.
