خوست کې د اوو لوبډلو ترمنځ د نیزه وهنې سیالۍ ترسره شوې
د خوست ولایت دبدني روزنې او ورزش امریت اړوند د نیزه وهنې فدراسیون د استازولۍ له لوري د یاد ولایت په باک ولسوالۍ کې د اوو لوبډلو ترمنځ د نیزه وهنې سیالۍ ترسره شوې.
دغه سیالۍ په لاین، سینګل لاین او سیکشن برخو کې ترسره شوې، چې په پایله کې یې بهادر شوقي لوبډلې د ۶۴ نمرو په ترلاسه کولو لومړی، پروانه او باک لوبدلو د ۶۲، ۶۲ نمرو په ترلاسه کولو دویم او ناصر لوبډلې د ۶۰ نمرو په ترلاسه کولو سره درېیم مقام خپل کړ.
دغه لوبې د نیزه وهنې ورزش ته د ودې ورکولو په موخه ترسره شوې، چې یوه ورځ یې دوام وکړ.
