خوست: په لکڼو کې د فوټبال سیالیو پرانیسه وشوه
خوست ولایت د مرکز اړوند دلکڼو په قمرسر سیمه کې د ځوانانو د یووالي په نوم د فوټبال سیالیو پرانیسته وشوه.
هغه مراسم ، چې په همدې موخه دیادې سیمې په فوټبال میدان کې نیول شوي وو، پکې دخوست ولایت ورزشي امر عطاء الله کډوال، د فوټبال فدراسیون مسؤول احمدولي ګلاب زوی، دسیمې قومي مشرانو ، فعالو ځوانانو او د ورزش مینه والو برخه اخیستې وه.
د دې لوبو به پرنیسته کې د لوبه د ګل احمد تاترې او چینې بریال لوبډلو ترمنځ لوبه وشوه، چې یو_ یو مساوي پای ته ورسېدله.
په دې ټورنمنټ کې د همدې سیمې شل لوبډلې شرکت لري ، چې نېږدې شل ورځې به دا لوبې روانې وي.
د یادولو وړده، چې د همدې ټورنمنټ وروستیو پړاوونو ته به د خوست مرکزي پیاوړې لوبډلې هم دعوت شي.
