خوست مرکز کې د ١۰ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش امریت په همکارۍ د یاد ولایت مرکز اړوند په شمل اداري واحد کې د ١۰ لوبډلو ترمنځ د نوریزیو ټېپ بال کرېکټ سیالۍ د لټک عطاء لوبډلې په اتلولۍ پای ته ورسېدې.
د دغو سیالیو پایلوبه د لټک عطاء او د شمل سټارز لوبډلو ترمنځ ترسره شوه، چې لټک عطاء لوبډلې په ټاکلو لس اورونو کې د ۶ لوبغاړو په سوځېدو سره سیالې شمل سټارز لوبډلې ته د ١۰۳ منډو هدف وټاکه په مقابل کې شمل سټارز لوبډلې د ټولو لوبغاړو په سوځېدو سره یوازې ۸۵ منډې جوړې کړې او لوبه یې د ١۷ منډو په توپير یې لټک عطاء لوبډلې ته وبایلله.
د یادو سیالیو موخه د ورزشکارانو ترمنځ یووالی رامنځته کول و، چې یوه میاشت یې دوام وکړ.
