خوست: له ا.ا.ا څخه د ملاتړ لیګ سیالۍ پیل شوې.

د خوست ولایت ورزشي امریت اړوند دکبډي فدراسیون مربوط د شپږو کلبونو ترمنځ په لیګ سیستم له ا.ا.ا څخه د ملاتړ سیالۍ پیل شوې.

په یادو مراسمو کې دکبډي فدراسیون سرپرست مسؤول صفي الله امر خېل، د یوشمېر فدراسیونونو مشرانو ، فعالو ځوانانو ، ورزشکارانو او د ورزش مینه والو برخه اخیستې وه.

په پیل کې د کبډي فدراسیون سرپرست مسؤول صفي الله امر خېل خبرې وکړې.

امر خېل وویل ، چې زموږ دغه سیالۍ له ام.ارت څخه د ملاتړ په نوم دي ، چې شپږ لوبډلې پکې برخه لري او په دوو ګروپونو وېشل شوې، چې موخه مو ترې منتخبې لوبډلې ته د غوره لوبغاړو موندنه او د کبډي لوبې عامونه ده.

دغه سیالۍ به تر روژې روانې وي .

د پیل لوبه یې د همت کلب او امر خېل کلب ترمنځ وشوه، چې دوه میدانه یې لرل.

اول میدان 20_20 مساوي پای ته ورسېد.

په دویم میدان کې امر خېل کلب 25 او همت کلب 22 نمرې وړې وې، چې د دریو نمرو په تفاوت سره دغه لوبه امر خېل کلب په خپل نوم کړه.

دیادولو وړده، چې دغه لوبې د خوست ولایت په اماني لوبغالي کې روانې دي او په روژه میاشت کې به د شپې له خوا هم پکې دمختلفو لوبو مسابقات پیل شي.