خوست: د مهدی خېلو رمضان جام سیالیو پر دوام دوې لوبې وشوې
د خوست ولایت د فوټبال فدراسیون په چوکاټ کې د ورزش امريت په مرسته د مهدي خېلو ځوانانو له لوري د فوټبال شپنيو سياليو پر دوام دوې لوبې وشوې.
لومړۍ لوبه د مهدیخېلو اتحاد او کنډیو وصال وفا لوبډلو ترمنځ وشوه، چې له ٢-١ ګولونو توپیر سره د مهدي خېلو اتحاد کلب وګټله.
په دويمه لوبه کې د لکڼو بديخېلو او شمباوات لوبډلې سره مخ شوې، چې دغه لوبه له ٣-١ پايلې سره د لکڼو بديخېلو لوبډلې په ګټه تمامه شوه.
د فوټبال په دغو سياليو کې ۲۰ لوبډلې برخه لري، چې تر اختره به دوام وکړي.
