خوست: د احسان تڼیو او هارون حیدرخېلو لوبډلې فاینل ووتلې
تېره شپه دخوست ولایت مربوط د لکڼو په بودیخېلو سیمه کې د والیبال رمضان جام شپنیو سیالیو په لړ کې د سیمي فاینل دوه لوبې ترسره شوې.
د لمړۍ لوبه د احسان تڼیو او رکیم ایوبخېلو لوبډلې ترمنځ ترسره شوه، چې له یوې په زړه پورې لوبې وروسته احسان تڼیو لوبډلې دوه صفر خپل سیال مات کړ او دسیمي فاینل دویمه لوبه په همدې شپه د هارون حیدرخېلو او ادریس تریزیو لوبډلې ترمنځ وه، چې هارون حیدرخېلو لوبډلې وکولای شول مقابله لوبډله دوه صفر ماته کړي.
په دې مسابقاتو کې 30 لوبډلو برخه اخیستې وه، چې سبا شپه له تراویحو وروسته به د احسان او هارون لوبډلو ترمنځ فاینل لوبه ترسره شي.
دیادولو وړده، د خوست ولایت ورزشي امریت له لوري دخوست ولایت د فدراسیونونو یو شمېرمشرانو، استادانو او ورزشکارانو ته روژه ماتی ورکړل شو.
