خوست؛ یعقوبیو صبریو ولسوالۍ کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت له لوري د یاد ولایت په یعقوبیو صبریو ولسوالۍ کې د اتو لوبډلو ترمنځ د ټېپ بال کرېکټ سیالۍ چې یوه میاشت مخکې پیل شوې وې، د صحرا ټایګرز لوبډلې په اتلولي پای ته ورسېدې.
د یادو سیالیو پایلوبه کې صحرا ټایګرز لوبډلې له خپل ۱۴۰ منډو هدف څخه دفاع وکړه او د ۳۵ منډو په توپیر یې خپلې سیالې صحرا فرینډز لوبډلې ته ماتې ورکړه او اتلولي یې وګټله.
