خوست؛ گل بهادر لوبډلې د نادرشاه کوټ ولسوالۍ د فوټبال سياليو اتلولي وگټله
د خوست ولايت د بدني روزنې او سپورټ آمريت اړوند د فوټبال فدراسیون د استازولۍ له لوري په زېړۍ ورزشي لوبغالي کې د لسو لوبډلو تر منځ د فوټبال سيالۍ د گل بهادر لوبډلې په اتلولۍ پای ته ورسېدې.
د يادو سياليو پايلوبه د سيد ولي او گل بهادر لوبډلو ترمنځ ترسره شوه، چې په پايله کې سيالۍ په ټاکلي وخت مساوي پای ته ورسېده، خو پنالټيانو کې گل بهادر لوبډلې سيالۍ لوبډلې ته ۰/۱ گول په توپير ماتې ورکړه او اتلولي يې خپله کړه.
دغه سيالۍ چې ۲۵ ورځې يې دوام وکړ، په پای کې گټونکې لوبډلې ته د اتلولۍ جام ورکړل شو.
