خوست؛ په یعقوبیو صبریو ولسوالۍ کې د ۲۴ لوبډلو ترمنځ د واليبال سيالۍ پای ته ورسېدې
د خوست ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په يعقوبيو صبریو ولسوالۍ کې د ۲۴ لوبډلو ترمنځ د واليبال سيالۍ پای ته ورسېدې.
د دغو سياليو په پايلوبه کې د مندوزيو لوبډلې خپلې سيالې تڼيو لوبډلې ته د ۳/۱ ميدانونو په توپير ماتې ورکړه او بريا يې خپله کړه.
د يادو سياليو موحه ورزش ته د ځوانانو هڅول و، چې يوه مياشت يې دوام وکړ، چې په پای کې غوره لوبغاړو ته مډالونه، نغدې پیسې او چمتو شوې ډالۍ ورکړل شوې.
