خوست؛ په ځاځي میدان ولسوالۍ کې د څلورو لوبډلو ترمنځ د فوټبال اختریز جام سيالۍ پای ته ورسېدې
د خوست ولايت د بدني روزنې او ورزش امريت اړوند د فوټبال فدراسيون د استازولۍ له لوري د ځاځي میدان ولسوالۍ په گورگورۍ باغ سيمه کې د څلورو لوبډلو ترمنځ د فوټبال اختریز جام سيالۍ د عبدالحي ځاځي لوبډلې په اتلولۍ پای ته ورسېدې.
د يادو سياليو په پايلوبه کې عبدالحي ځاځي لوبډلې سيالې بدري لوبډلې ته ۰/۶ گول په توپير ماتې ورکړه او اتلولي يې خپله کړه.
دغه سيالۍ، چې شاوخوا دوې اوونۍ يې دوام وکړ، په پای کې اتلې لوبډلې ته يو پسه او غوره لوبغاړو ته چمتو شوې ډالۍ ورکړل شوې.
